Хаттобнинг стратегик ва тактик тажрибалари 11-қисм. Грознийдан чиқиш

ҲАРБИЙ ИЛМЛАР

   Грознийдан чиқиш жуда машаққатли бўлди, мужоҳидлар сони ‎‎3000дан ошиқ, энг катта хато Грознийнинг бош раҳбарияти рухсати билан, ‎ҳамма гуруҳларнинг бир вақтда йўлга чиқиши бўлди. Бу билан улар ‎русларга мужоҳидлар шаҳардан чиқаётганлиги белгисини беришди, ‎улар ҳам ўз навбатида маҳаллий жойни миналаштиришди.‎

   Грознийдан чиқишни Шомил ва Арби бошқаришди. Улар ‎мужоҳидлар чиқиб кетадиган жойларга қўриқчи гуруҳлар қўйишди. ‎Улар бундай қилиб, душманнинг эътиборини бу жойга ‎қаратмасликлари керак эди. Руслар мужоҳидлар чиқиб кетадиган ‎йўлни фаҳмлаб, айнан шу жойларни миналаштиришди ва ‎тайёргарлик қилиб кута бошлашди.‎

   Мужоҳидлар чиқишни бошлаши билан миналар портлай бошлади. ‎Шомил минада портлаб жароҳат олди, унинг ноиби Хункарпошша, ‎Грознийнинг бош қўмондони Асламбек минамёт снарядидан ҳалок ‎бўлишди. Мужоҳидларнинг олган ахбороти тўғри эмас эди. ‎Уларнинг олган хабарига кўра йўллар фақат ўтказгичли миналар ‎билан миналаштирилган. Биродаримиз йўллардаги қорларни олиб, ‎ўтказгични топиб миналарни зарарсизлантирди, аммо у ерда ‎босганда портлайдиган миналар ҳам қўйилган экан. Биродарлардан ‎бири минада портлади, унинг ёнидагилар ярадорни олишиб йўлда ‎давом этишди. Ҳаммаси тушунарли, бутун майдон босганда ‎портлайдиган миналар билан тўла. Жароҳатланганларни олиб, ‎йўлда давом этилди. Сон жиҳатидан кўп бўлган катта гуруҳни ‎тўхтатиш қийин. Шомил йўлида давом этди, унинг гуруҳидан бир ‎неча одам минада портлаб кетди. Бошқа биродарлар ёрдамга ‎келишганда улар ҳам портлаб кетишди. Шомил мина майдонидан ‎ўтиб, йўлни тозалагани 20-30 та кўнгиллиларни сўради. Ҳамма жим, ‎ҳеч ким жавоб бермади. Шунда Шомил айтди: “Ҳалокатли ‎талофатнинг олдини олиш учун бу жуда ҳам зарур”. Барибир ҳеч ‎ким жавоб бермади. У айтди: “Мен сизлар билан бораман”. У ‎биринчи гуруҳда 30 та мужоҳид билан бирга эди. Вазият ундан шуни ‎талаб қиларди. Кўпчилик эътироз билдирди: “Қўмондон бўла туриб, ‎нимага биринчи кетди” деб, унда бошқа илож йўқ эди. ‎

   Шомил минада портлагандан кейин, тартибсизлик бошланди, у ‎одамларни тартибга чақирди. Улар йўлни давом эттиришга мажбур ‎эдилар, тонг отгунча бу ердан чиқиб кетиш керак, акс ҳолда иш ‎бундан баттар бўлади. Жоҳар Дудаевнинг қариндоши Лечи иккита ‎минада портлаб ҳалок бўлди, шундан кейин минани босиб ‎Хункарпошша ҳалок бўлди. Йўллар тозаланиб, Грознийдан чиққан ‎мужоҳидлар Ермоловка қишлоғига киришди. Руслар қишлоққа ‎артиллериядан зарба беришди. Кейин улар бошқа қишлоққа ‎киришди, кейин учинчисига, тоғли ҳудудларга етиб олгунча шу ‎тариқа давом этди.‎

   Бизга амирлар орасида жароҳатланганлар ва ҳалок бўлганлар бор, ‎деган хабар келди. Бу ҳолат ёрдамга трактор ва юк машиналарини ‎жўнатишимизни талаб қиларди. Хаттобнинг 40 та юк машина ва ‎тракторларда ўқ-дори, озиқ-овқат билан келаётганини эшитган ‎мужоҳидларнинг кайфияти кўтарилиб кетди. Бу хабардан руҳланиб ‎кетган кўп биродарлар улар билан учрашмагунимизча юришдан ‎тўхтамаймиз дейишди.‎

   Бу вақтда мен юк машиналарини йиғиб, улар тарафга йўл олдим, ‎йўллар қорли, юриш қийин, биз 100 та мужоҳид эдик. Мен ‎Шомилдан:‎

‎ — Сизларга ёрдам керакми? – деб сўрадим.‎
‎ — Биз кўпчиликмиз, ҳеч нарса керак эмас, қурол ва ўқ-‎дориларимиз‎ етарли деб жавоб берди. Кейинроқ яна сўрадим, бу гал:‎
‎ — Вазият оғир ёрдам беринглар дейишди.‎

   Мен 250 та мужоҳидни йиғдим, қурол ва ўқ-дориларни тайёрлаб ‎йўлга чиқдик. Машиналар қорда тиқилиб, юролмай қолди, ‎тракторларга боғланган чаналарни ҳам тайёрлагандик. Ярим йўлга ‎етганда тракторлар ҳам ботқоққа ботиб қолди, биз йўлда давом ‎этдик. Аллоҳнинг душманлари бизга пистирма тайёрлаб қўйган экан, ‎йўлда учта мужоҳид бизга қўшилиб сафнинг олдида кетаётган эди, ‎улар пистирмага тушиб қолишди, уларни отиб ташлашгандан сўнг, ‎руслар қочиб кетишди. Эртасига биз бу жойга келиб, ўқ гилзалари, ‎қон излари, машина изларини кўриб, бизни пистирма кутганлигини ‎тушундик. Биз йўлни ўзгартириб, ўрмоннинг орасидан олиб ‎ўтадиган йўл томонга ҳаракат қила бошладик. Кесиб ўтмоқчи бўлиб ‎турганимизда, бомбардимон бошланди, 7 киши ҳалок бўлди, 15 ‎киши яраланди, чекинишга мажбур бўлдик. Шомил ва биродарлар ‎бор қишлоққа яқинлашганимизда, бошланган йўналишни якунлаш ‎учун Рамзанни жўнатдим, ўзим қолган биродарлар билан кетдим.‎

   Кечга бориб биз ва русларнинг ўртасида жанг бошланди. Биз танк ‎ва бир неча машиналарга ҳужум қилдик, биздан ярадорлар ва ҳалок ‎бўлганлар бор эди. Дастлабки ҳолатимизга қайтишимиз қийин ‎бўлди. Шомил ва биродарлар бизга ярим кечаси келиб қўшилишди. ‎Ҳамма оч, совуққа чидаб бўлмасди, емиш етарли миқдорда ‎олинмаганлиги сабабли, икки кун овқатланмадик. Шомил эрталаб ‎келиб айтди, улар ҳам русларга дуч келишибди. Кейин биз яна 4 кун ‎юрдик. бизда ҳеч қандай емиш йўқ, йўлда сув ичиб, қор едик. Бу ‎жуда машаққатли сафар эди.‎

   Мужоҳидлар кўтариб кетаётган, яраланган Шомилни кўриб ‎йиғладим, у эса аксинча яхши кайфиятда эди, кулиб деди: “Руслар ‎менга совға қилишди. Иншааллоҳ яна мина майдонидан ўтиш керак ‎бўлса, бу сафар мужоҳидларга йўлни очиш осон бўлади”. Мен унинг ‎аҳволидан қаттиқ сиқилдим, елкамда кўтариб кетаётганимда ҳам ‎ҳазиллашиб: “Биламан мен яраланганим учун кўтариб кетяпсан, ‎лекин билиб қўй, сен яралансанг мен кўтармайман” – деди ‎ҳазиллашиб.‎

   Алҳамдулиллаҳ, биз Шатойга етгунча юрдик, у ерда бизни Яъқуб ва ‎Абул Валидлар озиқ-овқат тайёрлаб кутиб туришганди. Улар ‎мужоҳидларни кутиб олишди ва биз жабҳадаги ўрнимизни ‎эгалладик.‎

Грознийдан чиқишда мана шундай вазият бўлганди.‎

Шатой ғоридаги воқеалар

   Шатойнинг бир ғорида 27 та мужоҳид бор эди, 7 та ёки 8 таси ‎ташқарига чиққан, 17 таси ичкарида бўлган, улар ҳаммаси ‎жароҳатланганлар эди. Бу ерларга рус қўшини келиб, уларга дуч ‎келган ва ҳаммасини отиб ташлаган. Уларнинг кўпчилиги ёрдамга ‎келган ансор биродарлар эди. Ғорда хорижий мужоҳидлардан Абу ‎Ҳамза Жазоирий, Абу Ҳамза Яманий, Маъсуд Британий, Абу Мусаб ‎Туркий, Икрима Сурий ва Ясин Боснийлар бор эди. Аллоҳдан ‎уларнинг шаҳодатини қабул қилишини сўраймиз.‎

Кароматлар

   Биродарларнинг қамал қилинган Грознийдан, қуршовга олинган ‎Шатойдан чиқиб кетишлари буюк Аллоҳнинг каромати ва катта ‎ҳадяси эди.‎

   Қуршовдалигимизда мен ҳар дақиқада душманга ғалаба бермагин ‎деб,‎ Аллоҳга ёлбордим. Аллоҳим душманим қувонмасин, шаҳодатни ‎бошқа жойда бергин деб сўрадим. Бир шаҳиддан мушкни ‎ҳидлаганимни эслайман, буни бошқа биродарлар ҳам ҳидлашди.‎

   Шатойдан чиқаётган иккинчи гуруҳни Ҳамзат Гелаев, Рамзан, Арби ‎ва Довудлар бошқаришди. Улар Шатойдан Урус-Мартан томонга ‎юришди.‎ Мужоҳидлар Урус-Мартан яқинидаги тоғ олди ҳудудигача келишди. ‎Рамзан ва Арби бошчилигидаги 20 та киши, разведка учун йўлга ‎чиқишди. Улар қийинчиликсиз Саади-котар қишлоғига кириб ‎келишди. Улардан кейин, шу йўл билан иккинчи гуруҳ йўлга тушди. ‎Аммо уларга тўсатдан ўқ узиша бошлашди. Улар дарё бўйлаб бир ‎ярим соат юришди. Кейинги 100-200 та мужоҳидлар гуруҳи ‎рухсатсиз, ўз ҳолича йўлга чиқишди, уларга ҳам ўқ узиша ‎бошлашди, уч киши ҳалок бўлди, кўпчилик жароҳатланди, улар ҳам ‎ўз навбатида русларга қараб ўқ уза бошлашди. ‎

   Руслар бу йўлдан мужоҳидлар кетаётганини билиб, бутун ‎кучларини ва гуруҳларини шу тарафга йиға бошлашди, биринчи ‎гуруҳдан кейин йўлга тушган гуруҳ пистирмага ва русларнинг ‎миналарига тушиб қолишди. Ўртада қаттиқ жанг бошланди, ‎Аллоҳнинг душманлари катта талофат кўрди, аммо биздан ҳам ‎ўлдирилган ва яраланганлар кўп эди.‎

   Саади-котар қишлоғи, очиқ тоғ олди ҳудуди бўлиб, мужоҳидларни ‎ҳамма томондан ўраб олишди. Қишлоқда 200 та мужоҳид бор эди, ‎қолганлар тумандан чиқиб кетишди.‎

   Саади-котар ғазотида (уни Комсомолское ҳам дейишади) жуда кўп ‎жароҳатланганлар бўлди, мужоҳидлардан камида 240 таси шаҳид ‎қилинди. Бу воқеа мужоҳидларнинг руҳияти ва ишончига таъсир ‎қилди. Биз бу фожеанинг такрорланишидан қўрқдик, чунки ‎мужоҳидлар оз қолганди. Бунақанги кўп йўқотиш, уларнинг ‎руҳиятига ёмон таъсир қилди. Улар қўлидан келганча ҳаракат ‎қилишди, Аллоҳ хайрини берсин, аммо натижа шундай бўлди, биз ‎ҳар қандай ҳолатда ҳам Аллоҳга ҳамд айтамиз.‎

Улашинг :
Тег:
𝐌𝐮𝐡𝐚𝐦𝐦𝐚𝐝 𝐙𝐨𝐡𝐢𝐝
𝐴𝑙𝑙𝑜ℎ𝑑𝑎𝑛 𝑞𝑜'𝑟𝑞𝑖𝑛𝑔𝑙𝑎𝑟 𝑣𝑎 𝑠𝑜𝑑𝑖𝑞𝑙𝑎𝑟 𝑏𝑖𝑙𝑎𝑛 𝑏𝑖𝑟𝑔𝑎 𝑏𝑜'𝑙𝑖𝑛𝑔𝑙𝑎𝑟!
https://sodiqlar.org

Мулоҳаза билдириш

Сизнинг email манзилингизни бошқалар учун кўрсатилмийди. Барча керакли жойларни тўлдиринг *

беш + 4 =