Исломий илмиятга қарши курашишда шарқшунослар хос аҳамиятга эга. Улар исломнинг ақоид ва аҳкомларини ўрганиб чиқиб, эътироз ва танқид қиладиган жойларини қидиради. Сўнг эътироз, туҳмат ва ифтироларини мусулмон ва ғойри мусулмонлар орасида тарқатади. Бу билан ғойридинлар қалбида исломдан нафрат пайдо қилади, мусулмонлар қалбида шак ва шубҳаларга йўл очади, баъзиларни диндан чиқаришга ҳам эришди, наузубиллаҳ.
Улар бу заҳарларини оммавий ахборот воситалари орқали халққа ёядилар. Ҳукуматдаги раҳбарлар ўзлариники бўлиб, уларга бутун йўлларни очиб қўяди. Аста-секинлик билан халқ ўзининг исломий шахсиятини йўқотиб боради. Унинг исмидан бошқа бирон сифати исломга далолат қилмай қолади.
Аллоҳ таоло умматда қиёматгача бир гуруҳ қоим қилади. У гуруҳ душманга қарши курашишда давом этади, уларга ёрдам бермаганлар зарар етказолмайди ва улар маломатчиларнинг маломатидан қўрқмайдилар. Бу гуруҳ аскарий кураш олиб бораётган мужоҳидлар ва душман таълимотларини синдираётган ҳақ уламолардир. Душманга энг катта зарарни шу гуруҳ етказгани учун, тоғут ҳукуматлар биринчи ўринда уларни йўқотишга ҳаракат қилади.
Қуйида улар қилган баъзи эътирозлар ва уларга жавоб келтирилади.
Савол: Нима учун мусулмонлар террорист ва фундаменталист[1] бўлади?
Жавоб: 1. Фундаменталист кимлигини биз олдин яхши тушунишимиз керак. “Фундамент” деб асосга айтилади. “Фундаменталист” эса диннинг асосларига мукаммал амал қилувчи кишидир. Масалан, математик олим математика асосларини яхши билиши ва уларни масала ва машқларда қўллай олиши керак. Химия олими химия асосларини яхши эгаллаб, уни тажрибадан ўтказиши керак. Доктор ҳам медицина асосларини эгаллаб, амалда одамларни даволайди. Демак, булар ҳам ўз соҳасида фундаменталист бўлади. Ҳар фундаменталист ёмон эмас. Агар киши ўғирлик ва фирибгарлик асосларини эгаллаб амалда қўлласа у ёмон фундаменталист бўлади. Доктор эса яхши фундаменталистдир.
Мусулмон ҳам Ислом асосларини ўрганади ва амалда қўллайди. Акс ҳолда у ҳақиқий мусулмон бўлмайди. Ислом асосларининг ҳаммаси шахс, оила, жамият ва давлат учун фойдалидир. Ислом қонунларининг ҳаммаси инфиродий, ижтимоий ва риёсатий ҳаётнинг ривожланиб камол топишини таъминлайди.
“Фундаменталист” сўзи биринчи марта Америкада насроний фирқаларга айтилган эди. Оксфорд луғати (Oxford dictionary)да бу сўз «Ҳар диннинг бошланғич асосларига қаттиқ амал қилувчи» деб тушунтирилган. Бу луғатнинг янги чопларида «Хусусан Ислом» сўзи қўшиб қўйилган. Бундан мақсад Исломни одамларга ёмон кўрсатишдир. Улар қачон фундаменталист ёки террорист сўзи эшитилса одамларнинг зеҳнига Ислом ва мусулмонлар келишини хоҳлайди.
2. Террорист нима дегани? “Террор” − лотин тилида «қўрқиш» дегани. Террорист − эса «қўрқитувчи» дегани.
Баъзан тинчликни сақлаш учун хавфга, қўрқитишга эҳтиёж бўлади. Бир ўғри полициячини кўрса қўрқувга тушади. Демак, полициячи ўғри учун террорист экан. Шу маънода мусулмон ҳам террористдир, чунки зинокор ё жиноятчи уни кўриши билан қўрқувга тушади.
Хулоса шуки, фундаменталист ва террористдан мақсад ўз динининг асос ва тамалларига амал қилиш ва золимга қарши курашиш бўлса бу маънода ҳар мусулмон фундаменталистдир.
3. Империализм кучлари доим бирон давлатга ҳужум қилса унга қарши курашувчилар пайдо бўлади. Ўша курашувчиларни бутун дунёга ёмон кўрсатиш учун уларга ёмон лақаблар ўйлаб топиш истеъмор кучларининг эски ҳийласидир. Россия ўрта осиёга бостирганда қаршилик кўрсатувчи кучларни “босмачи” деб атади. Америка Ироқ ва Афғонистонга ҳужум қилганда қаршилик кўрсатувчи кучларга “террорист” деб ёмон лақаб қўйди. Уларнинг ҳийлаларига алданмаслик керак.
Зайнулобидин
