Франциянинг исломга ашаддий душманлик қилаётган гуруҳларидан бири, маҳаллий супермаркетларга ҳалол маҳсулотларни заҳарлаб жўнатмоқчи бўлишди. Ушбу жиноят Франциянинг Ички хавфсизлик бошқармаси (DGSI) томонидан ёвузликни режалаштираётган гуруҳ сафига киритилган агент туфайли маълум бўлди.
» Ҳалол операцияси» деб номланган амалиёт режаси 2018 йилда француз халқини «мусулмонларга қарши кураш ва зўравонлик ҳаракатлари» га ундаган гуруҳ нео-нацистлар «Тезкор кучлар ҳаракати (AFO)» томонидан ишлаб чиқилган.
Ташкилотнинг 15 аъзоси ҳибсга олинган. AFO аъзолари супермаркетларда ҳалол таомларни заҳарлашни режалаштиришган. Бироқ, радикал гуруҳнинг икки аъзоси кўплаб болалар ва қарияларни ўлиш хавфидан қўрқиб, амалиётга қарши чиқишди.
Шунингдек DGSI олган малумотларга кўра,
AFO гуруҳи 200та француз масжид имомларига қарши ҳужумлар тайёрлаётгани ҳақида маълум бўлди. Гумон қилинувчиларнинг уйларида ўтказилган тинтувлар, шу жумладан ҳукумат вакиллари, истеъфодаги полициячилар ва собиқ ҳарбий хизматчилар, портловчи моддалар тайёрлаш учун фойдаланилган материаллар ва кўплаб қурол-яроқларни мусодара қилишди.
Шу йилнинг май ойида Франция Миллий Ассамблеясининг собиқ депутати Марион Маречал-Ле Пан асл французларнинг йўқ бўлиб кетиши ва Франция «Ислом республикаси»га айланишидан огоҳлантирувчи баёнот билан чиққан эди.
Бундан ташқари истеъфодаги саксонта генераллар гуруҳи ҳукумат расмийларига мурожаат билан чиқишган эди. Ушбу мурожаатда Франция «ислом аскарлари» билан фуқаролик ва «ирқий уруш» арафасида эканлиги айтилган. Мурожаат мамлакат ва унинг ташқарисида катта шов-шувларга сабаб бўлди.
Шу билан айни вақтда Франция ҳуқуқ ҳимоячилари мусулмонларга нисбатан очиқ дискриминизация-камситиш деб атайдиган «исломий сепаратизмга қарши қонун» расмий ҳукумат томонидан қабул қилинган.
Макрон ҳокимият тепасига келганидан сўнг, Францияда мусулмонларни таъқиб қилиш янада кучайди. Мамлакатнинг 6 миллионлик мусулмон аҳолисига қарши амалда уруш эълон қилинган.
