Бу йўл шундай йўлдир!

ШЕЪРИЯТ БЎСТОНИ
Бу йўл шундай йўлдир, тиконга тўла,
 Демагин, билмайин босдим тиконни.
 Қалбингга тўлмасин асло ғулғула,
 Кўриб оёғингни сермаган қонни.
  
 Бу йўл шундай йўлдир, қурбонлик йўли,
 Қонли излар бўлар сенга пойма-пой.
 Гар бўлсанг Аллоҳнинг бесабр қули,
 Шайтон дер: Бу йўлдан юрма, ҳойна-ҳой!
  
 Бу йўл шундай йўлдир, гўё афсона,
 Фақат "Борса келмас" битигидир кам.
 Аждаҳо, ялмоғиз, деву-девона,
 Йўлингни тўсгайлар, ҳар дам, ҳар қадам.
  
 Бу йўл шундай йўлдир, туҳмат-маломат,
 Тош бўлиб ёғилар ҳар тарафингдан.
 Қалбингдан бошқаси қолмас саломат,
 Айриларсан обрў, шон-шарафингдан.
  
 Бу йўл шундай йўлдир, -дейман мен нуқул,
 Юролсанг охири тубо ва маъво,
 Тубога элтувчи йўқса ўзга йўл,
 Заҳмат-машаққатга қилмагин парво!
  
 Бу йўл шундай йўлдир...
  
 Отсиз Чавандоз 
 Баландхел, 1431-йил, Зулҳижжа
𝐌𝐮𝐡𝐚𝐦𝐦𝐚𝐝 𝐙𝐨𝐡𝐢𝐝
𝐴𝑙𝑙𝑜ℎ𝑑𝑎𝑛 𝑞𝑜'𝑟𝑞𝑖𝑛𝑔𝑙𝑎𝑟 𝑣𝑎 𝑠𝑜𝑑𝑖𝑞𝑙𝑎𝑟 𝑏𝑖𝑙𝑎𝑛 𝑏𝑖𝑟𝑔𝑎 𝑏𝑜'𝑙𝑖𝑛𝑔𝑙𝑎𝑟!
https://sodiqlar.org

Мулоҳаза билдириш

Сизнинг email манзилингизни бошқалар учун кўрсатилмийди. Барча керакли жойларни тўлдиринг *