Шайх Муҳаммад Солиҳ Ал-Мунажжид: Ҳаром ишлар учун олинган ҳақ тавба қилингач эгасига қайтариладими?

ФАТВОЛАР

Савол: Мен ҳаром ишларим учун пул олардим. Ҳозир тавба қилдим. Олган пулларимни қайтаришим шартми?

Шайх Муҳаммад Солиҳ Ал-Мунажжид жавоб беради: Ҳаром ишлари учун ҳақ олган кишилар тавба қилишса ва олган пуллари турган бўлса, уни эгаларига қайтариб бермасдан бошқа маъруф жойларга сарфлаши керак.

Фоҳишалик қилиб пул топган аёл тавба қилганидан кейин топган пулларини жазманларига қайтариб бермайди. Ашула айтиб ҳаром пул топган киши тавба қилганидан кейин пулини эгаларига қайтариб бермайди. Маст қилувчи ичимликлар ёки наркотик моддалар сотиб пул топган киши тавба қилганидан кейин пулларни мижозларига қайтариб бермайди. Ёлғон гувоҳлик берувчи тавба қилганидан кейин ҳаром хизмати учун олган пулини эгасига қайтариб бермайди ва ҳоказо. Чунки пул гуноҳкор-осий эгасига қайтариладиган бўлса, у икки баробар фойда кўрган бўлади, яъни ҳам гуноҳ қилиб, ҳам пулини сақлаб қолган бўлади. Оқибат яна ҳам кўпроқ гуноҳ ишлар қилиши мумкин. Бу Шайхул-Ислом ибн Таймийя томонидан маъқул кўрилган ҳукмдир.

Улашинг :