Шимолий Атлантика Альянси Россия билан урушга, ёки ҳамкорлик қилишга тайёр. Бу ҳақда НАТO бош котиби El Mundo газета нашриётига берган интервьюсида айтиб ўтган.
«Мен Россияга аниқ сигнал юбориш керак деб биламан: агар улар тўқнашувни хоҳлашса, биз тайёрмиз. Агар улар ҳамкорлик қилишни хоҳласалар, биз буни мамнуният билан қабул қиламиз “, ва қўшимча қилиб “альянс ўз аъзоларини ҳимоя қилишга таёр” дейди Столтенберг. Унинг фикрига кўра, Россия билан мулоқот куч ва қатъийликка асосланган бўлиши керак. Қатъийлик ва дўстона мулоқот ўртасида зиддият йўқ. Биз Москва билан алоқалар яхши бўлиши мумкинлигига ишонмасак ҳам, муҳим алоқаларни сақлаб қолиш зарурлиги сабабли мулоқотни давом эттиришимиз керак », – дея таъкидлади Столтенберг. Аввалроқ Столтенберг НАТO мудофаа вазирлари билан, Россия чегаралари яқинидаги ҳарбий фаолиятини молиявий иқтисодини кенгайтириш масалаларини муҳокама қилишларини айтган эди. Эслатиб ўтамиз, аввалроқ АҚШ қуролли кучлари стратегик қўмондон раҳбари Чарлз Ричард АҚШ Россия ва эҳтимол Хитой билан ядровий урушга тайёр бўлиши кераклигини айтган эди.
Москва ўзининг ядровий кучларини кучайтирмоқда, дея изоҳ берди АҚШ қуролли кучлар стратегик қўмондонлик штаб-квартираси. Шунинг учун тийиб туришни янги усулларини (концепция) ларини тузиб чиқиш ва агар керак бўлса, ядровий уруш стратегиясини ишлаб чиқиш зарур.
Доимий қуролли кучлар сафида йўқотишни режимга ёки давлатга таҳдид сифатида қабул қилса, “Россия ёки Хитой билан минтақавий инқироз тезда ядровий можарога айланиб кетиши мумкин” дея The Washington Times газетаси Ричарднинг сўзларини келтирмоқда. Адмиралнинг таъкидлашича, Пентагон ядро можароси хавфини реал деб ҳисоблаши керак, ҳамда тийиб туришнинг янги усулларини ишлаб чиқиши керак. Унинг фикрига кўра, АҚШнинг ҳозирги пайтда ядровий тўқнашувлар хавфини эътиборсиз қолдираётганининг сабаби, асосий эътиборни терроризмга қарши курашга йўналтиришдир. Шу вақтда Россия ва Хитой ўзининг ядровий арсеналларини кўпайтирмоқдалар, дея қўшимча қилди Адмирал.
Бундан ташқари Ричарднинг таъкидлашича, Москва 10 йилдан зиёд вақт мобайнида ўзининг янги “ўрта ва яқин” масофага мўлжаланган ракеталарини “агрессив равишда такомиллаштириш (модернизация) қилмоқда.” Россиянинг агрессив ҳатти-ҳаракатлари ва халқаро меъёрларни писанд қилмаслиги, Қримни ҳарбий йўл билан қўлга олиниши билан намоён бўлди, дея тушунтирди у.
Аллоҳ кифоя қилсин