Дин фақат жиҳод эмас-ку, бошқа арконлар ҳақида нега ёзмайсизлар? — «𝐒𝐨𝐝𝐢𝐪𝐥𝐚𝐫»

Ассаламу алайкум ва роҳматуллоҳ! Яқинда сайтимиз электрон почта қутисига тушган мактублар ичидан қуйидаги мазмундаги мактубни саралаб олиб, эътиборингизга ҳавола қиламиз ва уни сайтимизда нашр қилаётганимиз сабабини эса ундан ҳам қуйироқда тушунтиришга ҳаракат қиламиз:

«assalamu alaykum. sizlarning jihodiy faoliyatingiz shariatga muvofiqligiga tuloq ishonch hosil qilgim kelyapti, hozirgi fitnalarga tulgan zamonda kimning haq yildaligini bilish ham qiyin bulyapti, ayniqsa menday ilmsiz insonga. men bunday hayotdan qiynalib ketdim, men haqiqiy musulmonlarcha yashagim kelyapti. hamma narsa siz tomonga chorlayapti, lekin…menga uzingiz haqingizda malumot bering.»

Биз бошқа мактублар қаторида бу мактубга ҳам жавоб ёзиб, мактуб муаллифи электрон манзилига юборган эдик. Аммо кўпчилик мактублар ва уларга бериладиган жавоблар маъно ва аҳамият жиҳатдан ўхшаш бўлганлиги учун, бу мактуб ва унинг жавобини ҳам сайтимизда нашр қилишни муҳим деб билмаган эдик. Аммо жавобимиздан сўнг, бу мактуб муаллифидан келган яна бир мактуб, бу мактубларни ва уларнинг жавобларини сайтимизда ҳам нашр қилиш фойдадан холи бўлмаслигига далолат қилди. Хуллас кейинги мактубларнинг моҳиятини тушуниш учун аввало юқоридаги мактубга юборган жавобимиз билан ҳам танишинг (Бу сайтимизнинг “Биз ҳақимизда” деган бўлимидан олинган):

• БИЗ – «Роббимиз ягона Аллоҳ, Ундан бошқасига бандалик қилмаймиз» дегани учун ўз юртидан бош олиб чиқиб кетишга мажбур қилинган бир гуруҳ ғариб, муҳожир ва мужоҳид ёшлармиз.

• АҚИДАМИЗ – аҳли сунна вал жамоа ва салафи солиҳлар ақидаси.

• МАҚСАДИМИЗ – Аллоҳнинг калимасини олий қилиш йўлида бутун жонимизу молимиз, қаламимизу қуролимиз, дилимизу тилимиз билан Ислом душманларига қарши курашишдир.

• ДУШМАНЛАРИМИЗ – иблис, тоғутлар, куфр ва залолат аҳли, бидъатчилар, мунофиқлар, хуллас Аллоҳнинг динига ва мусулмонларга зарар етказаётган ҳар бир “шахс”.

• ДЎСТЛАРИМИЗ – Аллоҳнинг калимасини олий қилиш йўлида хизмат қилаётган ер юзидаги ҳар бир соф эътиқодли мўъмин мусулмонлар.

• МАВҚЕИМИЗ – жамоатимиз мустақил исломий жамоат бўлиб, у бирон бир мамлакат, давлат, миллат, қавм, сиёсий гуруҳ ёки партиянинг манфаати учун хизмат қилмайди. У ҳар бир нарсани шарият мезони билан ўлчашга ҳаракат қилади. Шариятда эса давлатпарастлик, ватанпарастлик, миллатчилик, қавмчилик ва гуруҳбозлик мазаммат қилинади.

• ОРЗУЛАРИМИЗ –ер юзида Аллоҳнинг ҳукмини жорий қилиш, кофирлар қўлида азият чекаётган мусулмонларни халос қилиш, инсонларни ўзи каби бандаларга бандалик қилишдан озод қилиб, уларга фақат Яратгангагина бандалик қилиш бахтини улашиш, ва ниҳоят энг катта орзуимиз шу йўлда шаҳодат майини сипқориш.
Ушбу жавобимиздан сўнг мактуб муаллифидан қуйидаги матндаги яна бир мактуб келиб тушди:

«assalamu alaykum. javobingiz uchun rahmat. «бир гуруҳ ғариб, муҳожир ва мужоҳид ёшлармиз.»- deyapsiz, jihodiy amaliyotlarda kimlar bilan maslahatlashasizlar, kimlarga ergashasizlar? yani shariatga muvofiq holda ish olib borayotganingizni kim nazorat qilib turadi, orangizda din ahkomlarini tuliq biladigan ilmli kishilar bormi? «АҚИДАМИЗ – аҳли сунна вал жамоа ва салафи солиҳлар ақидаси.» hozir kupchilik salafi solihlar yulidamiz deyishadiyu, havorijlar ham, madhaliylar ham shunaqa deydiyu aslida unaqa emas. sizlar qaysi ulamolarga ergashasizlar salafi solihlarimiz yulini tutgan? saytingizda faqat jihod masalalari, kofir, murtad, munofiqlar haqida yoziladi, nega boshqa dinimiz ahkomlari haqida ham yozmaysizlar, din faqat jihod emasku.. men sizlarni tanqid qilish uchunmas uzimdagi shubhalarni ketkazish uchun sizlardan yordam surayapman. ishonavering, men hozir uzimni tirik murdalar bilan yashayapgandek sezyapman. Alloh uchun, tuliq javob berishingizni suranaman»

Мактуб моҳиятан бир неча саволлардан ташкил топган бўлиб, уларнинг ҳар бирига алоҳида-алоҳида жавоб беришга ҳаракат қиламиз:

1. jihodiy amaliyotlarda kimlar bilan maslahatlashasizlar, kimlarga ergashasizlar? yani shariatga muvofiq holda ish olib borayotganingizni kim nazorat qilib turadi, orangizda din ahkomlarini tuliq biladigan ilmli kishilar bormi?

Жавоб: Ассаламу алайкум ва роҳматуллоҳ! Аллоҳ сиздан рози бўлсин ва Ўзи рози бўладиган амалларга муваффақ қилсин!

Биз ўз жиҳодий фаолиятимизни Ал-Қоида ва Афғонистон Исломий Иморати уламолари билан маслаҳатлашган ҳолда олиб борамиз. Улар жуда кўпчилик, дунё бўйича тарқалган ва уларнинг ҳар бирини номма-ном санаб ўтиш учун жуда кўп вақт талаб қилинади. Фақат таъкидлаб ўтиш жоизки, бу уламолар ичида илми жиҳатдан ижтиҳод даражасига чиққанлари ҳам бор.

2. hozir kupchilik salafi solihlar yulidamiz deyishadiyu, havorijlar ham, madhaliylar ham shunaqa deydiyu aslida unaqa emas. sizlar qaysi ulamolarga ergashasizlar salafi solihlarimiz yulini tutgan?

Жавоб: Биз сиз айтган бу икки тоифанинг ҳар биридан безормиз. Биз ўз ақида ва манҳажимизни ифрот ва тафрит ўртасидаги соф ислом чегарасида тутиб туришга ҳаракат қиламиз. Салафи солиҳлардан бўлган ва уларнинг йўлини тутган уламолардан Абдуллоҳ ибн Муборак, Аҳмад ибн Ҳанбал, Ибн Таймия, Ибнул-Қоййум Жавзийя, Муҳаммад ибн Абдулваҳҳоб, Ҳамуд ибн Уқла Шуайбий, Муҳаммад Иброҳим Оли Шайх, Ибн Боз, Ибн Жибрийн, Мунажжид, Муҳаммад ибн Солиҳ Усаймин, Шайх Али Ҳудайр ибн ал-Ҳудайр, Носир ибн Ҳамд Ал-Фаҳд ва бошқа-бошқа муттақий уламоларнинг барчаларига Қуръон ва Суннатга асосан эргашамиз. Шунингдек юқорида тилга олинган Ал-Қоида ва Исломий Иморат уламолари ҳам салафи солиҳлар йўлини тутган уламолардир. Таъкидлаш жоизки ҳозирги кунда Афғонистон Исломий Иморат уламолари ичида Салафи солиҳлар йўлини тутганлари талайгина.

3. saytingizda faqat jihod masalalari, kofir, murtad, munofiqlar haqida yoziladi, nega boshqa dinimiz ahkomlari haqida ham yozmaysizlar, din faqat jihod emasku..men sizlarni tanqid qilish uchunmas uzimdagi shubhalarni ketkazish uchun sizlardan yordam surayapman.

Жавоб: Сайтимизда жиҳод ва сиёсат масалаларига эътиборни кўпроқ қаратганимизнинг ўзига хос сабаблари бор. Ҳеч кимга сир эмаски, ҳозирги кунда соф ислом ақидасида даъватлар нашр қилаётган ўзбекча сайтлар мавжуд. Аммо улар кофир ва муртадлардан озод бўлган юртларда фаолият юритмаётганлари учун халқимизга жиҳод, сиёсат ва ҳозирги кун тоғутларидан қўрқиладиган масалаларда очиқ-ойдин гапира олмайдилар. Буни уларнинг ўзлари ҳам биз билан бўлган мулоқотларида очиқ тан олганлар. Шунинг учун ўзбекзабон мусулмонларнинг бу хатарли мавзуларни ёритиб беришни биздан кўпроқ талаб қилишлари табиий ҳолдир. Ҳатто биз ҳам бу масалаларни халқимиз мусулмонларига тўлиқ ва етарлича тушунтириб беришга ожиз бўлиб қоляпмиз. Сабаби жиҳод майдонларида бу соҳада вақт камлиги, шаҳидлар кўплиги сабабли кадрлар алмашиб туриши ва етишмаслиги, шунингдек техник ва моддий имконсизликлар бизнинг олдимизда кўндаланг турган улкан тўсиқлардандир. Энди инсоф билан фикрлаб кўрадиган бўлсак, биз ўзимиздан кўпроқ талаб қилинаётган масалаларни шу сабабларга кўра тўлиқ ёритиб бера олмаётган бир вақтда, даъватнинг бошқа мусулмонлар қўлидан ҳам келадиган тарафларини қамраб олишимизга ҳечам кўзимиз етмайди. Албатта биз буни биродарларимиз тўғри тушуниб, тўғри қабул қиладилар деган фикрда қилмоқдамиз. Бунинг устига мақсадимиз ўзимизга одам йиғиш эмас, балки исломнинг кўпчиликдан махфий қолаётган тарафларини одамларга етказишдир. мақсадимиз одам йиғиш бўлганида биз ҳар қанча қийинчилик бўлсада сиз айтгандек йўл тутган бўлардик. Бунинг бизга фойдаси бўлиши мумкин, лекин бундан омма мусулмонларга нима фойда?! Одамларга бошқа жойларда ҳам топиладиган маълумотларни қайта-қайта рўбарў қилишдан бирон маъни борми? Бу ишни кўпроқ «Мана бу сайт бизнинг юзимиз, шу сайтга қараб бизнинг кимлигимизни билиб олинглар» деганга ўхшаш фикрлайдиганлар ва мақсадлари шундангина иборат бўлганлар қилиши мумкин. Аммо «Биз, биз!» деб кўкрак керишдан Аллоҳ сақласин! Аллоҳ амалларимизни ва ниятларимизни иҳота қилиб турибди, шунинг ўзи кифоя…

Аммо шундай бўлса-да, сизнинг фикрингизга эътирозан шуни айтамизки, сайтимизда исломнинг бошқа аҳкомлари ҳақидаги маълумотлар ҳам талайгина. Аммо уларнинг кўпчилиги китоблар шаклида берилгани учун кўпчиликнинг кўзига кўринмайди. Чунки одамларнинг кўпчилиги катта китобларни ўқишдан эринадиган бўлиб кетишган. Аммо илм ва ҳақиқатни талаб қилган одам аввало уни излаши ва бу излашида холис бўлишлиги керак деб ўйлаймиз.

Яна бир сабаби салафи солиҳ уламолар жиҳод фарзи айн бўлганда жиҳоднинг ислом рукнлари орасидаги даражаси намоз, рўза, закот ва ҳаждан ҳам олдинга ўтади, яъни жиҳод тавҳиддан кейинги ўринга кўтарилади деганлар. Чунки бундай вақтда жиҳодга эътибор берилмасдан, душмандан ислом ўлкалари ҳимоя қилинмаса, бу бепарволик исломнинг бошқа рукнлари ҳам оёқости бўлишига олиб келади ва бунинг охир-оқибати динсизликкача етиб бориши мумкин.

Ўтган аср мужтаҳид мужоҳиди шаҳид шайх Абдуллоҳ Аззом роҳимаҳуллоҳ бу ҳақда шундай деганлар: “Мен мусулмонман ва Роббим менга ибодат қилишни буюрган, бу ибодатлар қаторида у менга, жиҳод ибодатини қилишни ҳам буюрган. Жиҳод ибодати Исломнинг олтинчи рукнидир, бироқ агар кофирлар мусулмонларнинг бир қарич заминларини босиб олсалар, у ҳолда бу жиҳод фарзияти Исломнинг асосий рукнларидан олдинга ўтиб, “калимаи шаҳодат”дан кейинги иккинчи ўринни эгаллайди.”

Ибн Аби Шайба ва Абдурраззоқ Ҳузайфа бинни Ал-Йамондан қилган ривоятларида Росулуллоҳ соллаллоҳу алайҳи васаллам:

الإسلام ثمانية أهسم: الإسلام سهم، والصّلاة سهم، والزّكاة سهم ، والحجّ سهم، والجهاد سهم، وصوم رمضان سهم، والأمر بالمعروف سهم والنّهي عن المنكرسهم وقد خاب من لاسهم له

“Ислом саккиз қисмдир: Ислом, намоз, закот, ҳаж, жиҳод, рамазон рўзаси, амру маъруф, наҳи-мункар. Кимдаки шу қисмлардан бирортаси бўлмаса, у ноумид бўлибди” , – дедилар. (Ибн Шайба Ал-Маснаф 5/352. Абдураззоқ 5/183-184.)

Шунингдек Шайxул-Ислом ибн Таймия: “Бостириб келган душманга қарши, мудофаа жангини қилиш – иймондан кейинги энг зарур вожиботдир”, деган эдилар. Яъни “Аллоҳдан ўзга илоҳ йўқ ва Муҳаммад Унинг Росулидир” калимаси биринчи ўринда, сўнг жиҳод фарзияти келади.

Жиҳод бугунги кунда жумҳур уламолар ижмоъси билан фарзи айн ҳукмида экан, биз ўз даъватларимизда ҳам унинг аҳамиятини тавҳиддан кейинги ўринга қўйишимиз айни ҳикмат бўлади. Бўлиб ҳам тавҳид деганда жонсиз нарсаларга ибодат қилмасликнигина тушуниб, бу ҳақда дунёга жар солиб, фақат ўзларинигина муваҳҳид санаётган баъзи тоифалардан фарқли ўлароқ, сайтимиз ҳозирги кунда тавҳиднинг ҳар ким ҳам юрак ютиб айта олмаётган тарафларини ҳам очиқ-ойдин омма мусулмонларга ёритиб бермоқда. Бундай имкониятларни бергани учун Аллоҳга чексиз ҳамду санолар айтамиз. Албатта бу Аллоҳнинггина фазлидир.

4. men sizlarni tanqid qilish uchunmas uzimdagi shubhalarni ketkazish uchun sizlardan yordam surayapman. ishonavering, men hozir uzimni tirik murdalar bilan yashayapgandek sezyapman. Alloh uchun, tuliq javob berishingizni suranaman
Жавоб: Албатта биз сиз ва бошқа мусулмон биродарларимиз қалбига дин душманлари томонидан атайлаб экилаётган ҳабис шубҳа уруғларини парчалашга ва унинг ўрнига покиза ислом уруғларини сепишга ҳисса қўша олсак ўзимизни бахтиёр ҳис қиламиз. Аммо бу ерда “мен танқид учун эмас, шубҳаларимни кетказиш учун сўраяпман холос” деб ўзингизни оқлашингизга ҳеч ҳам ҳожат йўқ. Чунки, агар танқид холис бўлса, бу билан Аллоҳнинггина розили исталса, бу айни биз истаган нарса бўлиб, мўъмин мўъмин учун доимо кўзгу бўлмоғи мақсадга мувофиқдир. “Албатта ҳар бир инсон хатокор ва хатокорларнинг яхшиси тавба қилгувчисидир.” Аллоҳ сизу бизни холис танқидларни тўғри қабул қиладиган тавозуъли, ҳамда таввоб кимсалардан қилсин! Аллоҳ сизу бизни ҳақни билгандан кейин ҳам эгри йўлни қидирадиганлардан қилиб қўймасин! Аллоҳ барчамизни Ўзининг ҳақиқий исломида барқарор ва ҳидоятида давомий қилсин! Зеро исломнинг ҳақиқатини тушуниб етган муттақий қалбларда шубҳага бирон ўрин қолмайди. Нафс майлларига мос бўлган эгри йўлларни қидирувчилар эса доимо шубҳа ва гумонлар уммонида сузиб юрадилар. Аллоҳ сизу бизни мутакаббирлардан қилмасин!

Бугунги кунда Ислом умматининг турли гуруҳ ва жамоатларга бўлиниб, тарқоқ ҳолатда қолиши ҳамда ҳар бир жамоа ўз ақидасига даъват этиб, ўзини оқлаши оқибатида кўплаб одамларга ишнинг чигаллашиб қолиши, натижада эса кимга эргашишларини билмай қолишлари кузатилаётган аччиқ ҳақиқатдир.

Аллоҳга ҳамдлар бўлсинки, Росулуллоҳ соллаллоҳу алайҳи васаллам қуйидаги ҳадисларида хабар берганларидек, бу уммат ичидан эзгулик йўқолмайди ва бир гуруҳ кишилар қиёмат кунига қадар ҳидоят ва ҳақиқатни маҳкам ушлаб қолади. Росулуллоҳ соллаллоҳу алайҳи васаллам дедилар:

“Умматим ичидан бир тоифа ҳақиқат узра қолади. Ёрдамсиз ташлаб қўйилса-да, уларга бирон бир зарар етмайди. Улар Аллоҳнинг амри келгунига қадар ўз ҳолларида ўзгармай қоладилар” (Имом Муслим ривояти)

“Умматимнинг мисоли ёмғирга ўхшайди. Унинг бошланиши яхшими, ёки охирими, билиб бўлмайди” (Албоний: “Саҳиҳ сунан ат-Термизий”).

Росулуллоҳ соллаллоҳу алайҳи васаллам дедилар: “Аллоҳ таъоло умматимни залолат узра жам қилмади. Аллоҳнинг қўли жамоатдадир” (Албоний. “Саҳиҳу Сунанит-Термизий”).

Саволларга қўлимиздан келганча ижобат қилдик. Аллоҳ барчамизни Ўзининг ҳақ йўлида бардавом қилсин! Агар ушбу жавоблар сизни қониқтирган бўлса ёки сиздан бошқа яна бирон инсоннинг тўғри йўл топишига сабабчи бўлса, албатта бу Аллоҳнинг фазли бўлиб, Аллоҳга ҳамду-санолар айтамиз. Жавобларга қониқмаган бўлсангиз яна саволлар беришингиз мумкин. Биз ислоҳнигинa мaқсaд қилдик. Аллоҳгагинa тaвaккул қилдик. Aллоҳ тaъоло ушбу сўзларни эшитувчи қулоқ вa тушунувчи қaлблaргa eтишигa муяссaр қилсин.

Сўнгги дуомиз: «Бaрчa олaмлaр роббиси бўлгaн Aллоҳгa ҳaмдлaр бўлсин!»