Оқ уйнинг баёнотига кўра, 20 йиллик урушдан сўнг Афғонистондаги барча АҚШ қўшинлари 2021-йил 11-сентябргача чиқиб кетилишини эълон қилди.
АҚШ президенти Жо Байден, АҚШ ҳарбий кучларини Афғонистондан 11-сентябрь ҳужумларининг 20 йиллиги муносабати билан тўлиқ тарк этишга қарор қилди. Бу ҳақда Oқ уй юқори лавозимдаги вакили журналистларга берган интервьюсида айтиб ўтди. Байден чоршанба куни бу ҳақида расмий баёнот билан чиқди. Аввалроқ, президент Ал-Қоида билан курашиш учун Афғонистонда кичик қўшин (контингент)ни сақлаб қолиш йўлларини кўриб чиқган эди.
Бундан ташқари, АҚШ қўшинлари кечикиб чиқиши сабаби, Толибон ва Қобул қўғирчоқ режими ўртасидаги тинчлик музокаралари билан боғлиқ масалалар кўриб чиқилган.
Натижада Байден Афғонистондаги АҚШ қўшинларини тўлиқ олиб чиқишга, истисно қилиб Америка иншоотларини, шу жумладан АҚШнинг Қобулдаги элчихонасини қўриқлаш учун чекланган ҳарбий ходимларини қолдиришга қарор қилди дейди Oқ уй вакили. «Байденнинг фикрига кўра, сўнгги йигирма йил ичида, Афғон масаласига амал қилинган ёндашув Афғонистонда абадий қолишга сабаб бўлган», дейди маъмурият манбаси. Собиқ АҚШ президенти Трамп маъмурияти, Толибон билан 2020-йилнинг февралида тузган битимига кўра, барча Америка қўшинлари 2021 йилнинг май ойигача Афғонистондан чиқиб кетиши керак эди. Байден маъмурияти расмийларини хабарига кўра, ҳарбий кучларни олиб чиқиш май ойида бошланишини, ҳамда бу кечикиш моддий ва техник муаммолар билан боғлиқ эканини ва қўшинлар Афғонистондан 11-сентябрдан илгарироқ чиқарилиши мумкинлигини айтиб ўтилган. Шу билан бирга, “америкаликлар чиқиб кетаёган вақт мобайнида толиблар АҚШ қўшинларига ҳужум қилса, биз бор кучимиз билан уларга қарши зарба берамиз” деб огоҳлантирди.
НАТOнинг ўн минглаб иттифоқчиларини ҳисобга олмаганда, АҚШ Афғонистонга 100 минг аскар билан бостириб кирган.
Байденнинг иттифоқчиси, сенатор-демократ Тим Кейн, АҚШ 10 йил олдин Усома бин Ладенни “ўлдириш” билан асосий мақсадига эришганини айтиб ўтган, «Америка эндиликда миллий хавфсизлигига таҳдид солаётган энг долзарб муаммоларга эътиборини қаратиш вақти келганини» айтди.
Шу билан бирга, вакиллар палатаси ташқи алоқалар қўмитасининг энг юқори даражадаги республикачи Майк Маккол, Байденнинг қароридан «ҳайратда» эканлигини айтди.
Макколнинг сўзларига кўра, “ҳозирда афғонлараро тинчлик музокаралари олиб бораётган бир вақтда, “ҳарбий қўшинни олиб чиқиб кетиш”, Қобул маъмуриятини қўллаб-қувватлашдан бош тортишни ва … Толибонни тўлиқ ғалабаси»ни англатади.
