АҚШ марказий разведка бошқармаси БМТ томонидан тан олинган Ливия ҳукуматини ағдариб, Хафтарга ёрдам беришга ҳаракат қилди.
АҚШнинг «Blackwater» компанияси асосчиси Эрик Дин Принс ва Ғарбнинг бир қатор хавфсизлик мутахассислари, Халифа Хафтарнинг ёлланма аскарларига, қуролли кучларига ҳарбий ва разведка ёрдамини кўрсатиб, икки маротаба Триполида БМТ томонидан тан олинган Ливия миллий консенсус ҳукуматини ағдариш режасини ишлаб чиқдилар. Туркия OАВ (Оммавий ахборот воситалари) қўлига тушиб қолган БМТ Хавфсизлик Кенгаши санкциялар қўмитаси Ливия бўйича мутахассисларининг махфий ҳисобот ҳужжатларида шундай дейилган.
Эслатиб ўтамиз, Blackwater АҚШ Марказий разведка бошқармаси манфаатлари йўлида ҳаракат қиладиган расмий равишда хусусийлаштирилган ва ҳарбийлаштирилган компания ҳисобланади.
Ҳисоботга кўра Ливияда, ҳукуматни ағдаришга яхши молиялаштирилган операция 2019 йил июнь ойида ўтказилиши керак эди. Ҳужумда тикучарлар, разведка самолётлари, ҳарбий кемалардан фойдаланиш режалаштирилган эди.
Project Opus коди билан номланган операция доирасида, Ливия ҳукуматининг бир қатор юқори лавозимдаги мулозимларини ўғирлаш ва ўлдирилиши режалаштирилган эди.
Oперацияни бошқариш ва молиялаштириш БАА (Бирлашган Араб Амирликлари)нинг учта компаниясига топширилган: Lancaster 6 DMCC, L-6 FZE, Opus Capital Asset Limited FZE.
Юқорида айтиб ўтилган компанияларни Ғарбнинг учта хавфсизлик бўйича мутахассиси бошқарган: Австралиялик Кристиан Поль Дюррант, Британиялик Аманда Кейт Перри ва Жанубий Африкалик Стивен Жон Лоунж.
БМТ экспертлари ушбу компаниялар ва уларнинг раҳбарларини БМТ Хавфсизлик Кенгашининг Ливияга қурол етказиб беришга қўйилган таъқиқни (эмбаргосини) бузганликда айбламоқда.
Биринчи режада Иорданиядан Хафтарни қўллаб-қувватлаш учун ҳарбий вертолётлар сотиб олиш билан боғлиқ эди. Бироқ, Аммон режа тафсилотлари ҳақида билиб олганидан сўнг, 2019 йил 18-июнь куни мудофаа шартномасининг бажарилишини тўхтатилишига қарор қилинди.
Натижада, собиқ “денгиз мушуклари” дея номланадиган махсус ҳарбий гуруҳ аъзоси, Blackwater компаниясининг асосчиси, Болгария, Бермуд ороллари ва Австрия компанияларни бошқарган Эрик Дин Принс режани амалга оширди. Хоссатан Хафтар жангарилари учун ҳарбий самолётлар ва авиациянинг бошқа учоқлари сотиб олинган.
Эрик Принс, Бетси Девоснинг укаси бўлали, Бетси Девос Трамп маъмурияти даврида АҚШ таълим вазири бўлган. 2019 йил 14 апрелда Эрик Принс Қоҳирада Халифа Хафтарни амалдаги ҳукуматни ағдариш операциясини бошлашга чақирди.
Биринчи операция 2019 йил 29 июнда, Ливия ҳудудига тушган 20 кишилик гуруҳ Мальта оролига эвакуация қилинганида бекор қилинган. Opus операциясида қатнашган ёлланма гуруҳлар 2020 йил апрел ва май ойларида Ливияга қайта жойлаштирилди.
Бундан ташқари, бу сафар қурол-яроғ етказиб бериш БАА томонидан амалга оширилди. Шу билан бирга, иккинчи операция ҳам фойдаланиши керак бўлган самолётлар Ливия ҳаво ҳужуми мудофаа тизимларига нисбатан заиф бўлганлиги сабабли бекор қилинди.
